Ka ndërruar jetë në spitalin ” East Surrey”, në Redhill, Angli, 38-vjeçari Alfred Dosku, i cili rreth një javë më parë kishte tentuar të vriste veten në qendrën e emigrantëve të paligjshëm “Brook House”, pranë aeroportit Gatwick.
I riu nga Librazhdi tentoi të varte veten me çarçaf, brenda kampit të emigrantëve, ku po mbahej prej rreth 10 ditësh me qëllim dëbimin nga Anglia. Ai mbërriti në spital me shenja jete, ku u mbajt për rreth një javë me aparatura, por fatkeqësisht nuka ka arritur dot të mbijetojë, duke ndërruar jetë ditën e djeshme.
Ai është gjetur në dhomë i varur me çarçafë, veprim të cilin e kishte ndërmarrë 20 minuta përpara se të zbulohej nga shoku i dhomës. Besohet se një depresion i mundshëm prodhoi tentativën e vetëvrasjes e të riut nga Librazhdi i cili ishte marrë nga oficerët e emigracionit në banesën ku jetonte në Londër.
Familjarët e tij, pretendojnë se Alfred Dosku kishte gjetur një celular I-Phone 15, por policia nëpërmjet Google Maps ka arritur ta lokalizojë vendndodhjen e tij dhe ta shoqërojë në kamp, pasi ai nuk ka treguar se ka gjetur këtë iPhone. Sipas tyre, 38-vjeçari ishte i sëmurë me kërthizën dhe nga dhimbjet ka dashur të bëjë vetëvrasje.
Policia, mjeku ligjor dhe avokati kanë nisur hetimet.
Një hetim i shtatorit 2023 zbuloi se në qendrën e mbajtjes të emigrantëve Brook House ku tentoi vetëvrasjen shqiptari, në mënyrë të përsëritur kishte dhunë fizike dhe verbale. Raporti i këtij hetimi nënvizonte se në Brook House kishte një trajtim jo human të emigrantëve në kufijtë e shkeljes së të drejtave të njeriut. Në Brook House momentalisht është një numër i konsiderueshëm emigrantësh shqiptarë të cilëve i është refuzuar azili e më pas prej andej çdo të mërkurë deportohen drejt Tiranës.
Gjithashtu, mediat britanike raportojnë se një tjetër shqiptar që ndodhet në këtë kamp në Angli ka tentuar vetëvrasjen për shkak të urdhrit të deportimit në atdhe.
Nisur nga këto ngjarje të rënda në kampin e emigrantëve të paligjshëm në Britani, ditën e sotmje është paralajmëruar mbajtja e një proteste. Protesta do të zhvillohet në orën 11:00 para Brook House, në aeroportin Gatwick dhe në Sussex-in perëndimor. Shqiptarët thonë se bashkëatdhetarët e tyre të burgosur po tentojnë vetëvrasjen pasi kanë frikë për sigurinë e tyre për shkak të planeve të afërta për t’i kthyer ata në Shqipëri. Thirrjes për pjesëmarje në protestë i është bashkuar edhe shqiptari që jeton në Angli Taulant Omi.
“Alfredi ka nderruar jete te Premten dhe i shprehim ngushellimet tona familjes se te ndjerit.
Vellezer e motra
Ne kto kampe ka plot fatkeqe qe sduhet te shtyhen deri ne ate vendim fatal per jeten e tyre. Ne si shoqeri jemi te perqare por ka ardh dita qe te bashkohemi dhe te ngrejme zerin fort, pasi per asnje nga keta qe kane fatin e keq te hyne ne ato dyer. Nuk i plas askujt
Ambasada rri sus sepse esht zene çdo dite me postime “suksesi” te qeverise e ministrive, ndersa per Shqiptaret ato numra telefoni jane gjithnje te mbydhur se dyert as qe diskutohen.
Shoqatat Shqiptare jane te zena ne luften per fonde e organizime koncertesh fitimprurese.
Shteti yne dihet, keshtu qe sja vlen komenti. Hajdeni neser te protestojme per humbjen e nje jete te pafajshme, qe pamvarsisht arsyes qe ishte ne ate kamp e humbi. Te mbajme vigjilje, te ngrejme zerin, te kerkojme llogari ne Shqiptaret e thjeshte qe kemi fatin te jemi te lire.”, shkruan ai në rrjetet sociale.
