“Në Rripin e Gazës po ndodhin gjëra të tmerrshme”. Kështu deklaroi Presidenti rus Vladimir Putin për konfliktin e vazhdueshëm mes Izraelit dhe Hamasit teksa fliste në Forumin Kulturor në Shën Petersburg.
Ndërsa për luftën në Ukrainë ai rrëfen se deri në vitin 2014 nuk do ta kishte menduar kurrë se do të kishte një konflikt të tillë.
“Nuk dua të bëj asnjë vlerësim politik edhe pse të gjithë kanë mendimin e tyre. Por gjëra të tmerrshme po ndodhin në Gaza“, tha Putin.
“Shumë njerëz, ashtu si unë, nuk do ta kishin menduar kurrë deri në vitin 2014 se do të kishte një konflikt të tillë midis Rusisë dhe Ukrainës. Nëse para vitit 2014 do të më kishin thënë se ishte e mundur, do të kisha thënë: a je i çmendur? Por e pranoj se njerëzit që nuk e ndiqnin, nuk e kuptonin se çfarë po ndodhte”, u shpreh ai.
