Gjykata e Posaçme ka lënë në burg Behar Bajrin që sipas prokurorisë akuzohet për organizimin e vrasjes së Gjin Ndoj, plagosjen e Tauland Pepaj dhe planifikimin e disa atentateve të tjera.
Në seancën e zhvilluar me dyer të mbyllura gjyqtarja Atalanta Zeqiraj pranoi kërkesën e dy prokurorëve Altin Dumani dhe Arben Krajën, që Behar Bajri të vijoj masa shtrënguese arrest në burg.
Bajri u ndalua në Strasburg për llogari të autoriteteve shqiptare. Ai u ekstradua një ditë më parë me masa të forta sigurie.
Sipas hetimeve të dosjes së pagëzuar “Metamorfoza”, Bajri planifikonte të vriste edhe Ibrahim Licin, Dorian Dulin dhe Genc Tafilin.
