Moti pritet që të bëjë kthesën e papritur, duke filluar nga dita e nesërme.
Të premten pritet që vendi ynë të jetë nën ndikimin e stuhisë polare, që do sjellë reshje shiu dhe ulje temperaturash.
Meteorologu Hakil Osmani është shprehur se kjo stuhi po zbret drejt Ballkanit dhe do prekë edhe Shqipërinë.
Kemi një stuhi polare, e cila po zbret drejt rajonit të Ballkanit, duke prekur edhe territorin shqiptar. Parashikohet që dita e premet të sjellë vranësira të shumta, që do të gjenerojnë reshjet shiu, si fillim në pjesën veri-perëndimore.
Ndërkohë që në orët e mbrëmjes do kemi një ndryshim të kushteve atmosferike pasi reshjet në zonat malore do të jenë në formën e dëborës.
Në zonat malore, kryesisht ato veri-lindore, duke përfshirë këtu qarkun e Kukësit, Pukës, Peshkopisë, pritet të sjellin reshje në formën e dëborës, ndërsa pjesa tjetër e territorit shqiptar, do të ketë reshje shiu, të cilat do të jenë herë pas here edhe në formën e rrebesheve afatshkurtra.
Ai thotë se këto ndryshime do sjellin ulje të temperaturave dhe termometri do të shënojë edhe vlera negative.
Vlerat maksimale pritet të zbresin rreth vlerës 18 gradë Celsius. Dita e dielë parashikohet të sjellë një tjetër rënie të vlerave. Në qytetet malore, vlerat minimale parashikohet të zbresin në minus 3 apo minus 4 gradë Celsius.
Ndërkohë fundjava do të sjellë një përmirësim të kushteve atmosferike, por problemaitke do jetë era e cila do të arrijë deri në 55 kilometra në orë.
