Një 38-vjeçar shqiptar është arrestuar nga policia greke nën akuzën për armëmbajtje pa leje.
Mediat greke raportojnë se ai është ndaluar të shtunën në rrugë kryesore të Athinës, në afërsi të sheshit “Syntagma” për kontroll nga skuadra “DIAS”.
Gjatë kontrollit të ushtruar në mjetin e tij është gjetur një armë zjarri në formën e mbajtëses së çelësave si dhe dy fishekë arme zjarri. Pajisja konsiderohet armë luftarake pasi është e aftë të kryejë qitje.
