Ministri i Jashtëm, Igli Hasani përmes një njoftimi bëri me dije se një familje shqiptaresh, një nënë dhe 4 fëmijët e saj të mitur sapo lanë territorin e Gazës. Për momentin ata janë në Egjipt dhe vijojnë procedurat për ardhjen e tyre në Shqipëri.
Nga ana tjetër, ministri shprehet se po punohet me autoritetet për kthimin e e shpejtë dhe të sigurtë të shtetasve të tjerë shqiptarë që ndodhen në Gaza.
Postimi i Igli Hasani:
Pas tre javësh përpjekjesh e vështirësish, më në fund shtetasit e parë shqiptarë, një nënë dhe 4 fëmijët e saj të mitur, sapo lanë territorin e Gazës.
Ata ndodhen tashmë të sigurt në Egjipt, ndërsa vijojmë proçedurat për kthimin e tyre sa më të shpejtë në Shqipëri.
Mirënjohje për autoritetet e Izraelit dhe Egjiptit për bashkëpunimin, IOM – UN migration dhe ICRC për mbështetjen si dhe kolegëve të ambasadave shqiptare në dhe për punën e mirë në këtë situatë e operacion kompleks.
Po punojmë ngushtë me autoritetet për kthimin e shpejtë e të sigurt të shtetasve të tjerë që ndodhen në Gaza.
