Kylian Mbappe nuk i pëlqen futbolli brazilian. Kampioni francez e cilësoi atë si të pazhvilluar dhe nuk ka vonuar për të ardhur një përgjigje nga Felipe Melo, një nga lojtarët që kanë përfaqësuar futbollin brazilian në Europë.
Mbrojtësi tanimë 40-vjeçar që vetëm pak ditë më parë ngriti trofeun e Libertadores me Fluminensen, e konsideruar si Champions League e Amerikës Latine nuk u kursye ndaj yllit të PSG.
“E konsideroj një budalla, ai ka shumë për të mësuar”, deklaroi për Mbappe mesfushori i famshëm për ndërhyrjet e ashpra në fushë, duke shtuar:
“Mbappe shënoi 3 gola në finale, por Kupën e Botës e fitoi Argjentina dhe më i miri në Botë është Messi. Mbappe ka ende për të mësuar, nuk mund të flasë për futbollin amerikano-jugor. E konsideroj një lojtar të madh, me shumë mundësi do të fitojë 3 apo 4 Topa të Artë, por duhet ta mbajë gojën mbyllur.
Nga Europa vijnë për të kërkuar lojtarë në Amerikën e Jugut, jo në Francë. Për fat nuk kam patur mundësi të luaj kundër tij, nuk e di nëse për fatin e mirë timin apo për të”, u shpreh Melo.
