Një vajzë 3-vjeçare ka thyer këmbën gjatë qëndrimit në kopsht dhe prindërit kanë akuzuar edukatoren Majlinda Dehima se ka ushtruar dhunë ndaj saj.
Nga pamjet filmike të sekuestruara pas denoncimit të familjarëve, është e dukshme dhuna që kjo edukatore ka ushtruar ndaj të miturës me një vizore.
Në media është publikuar video kur Dehima gjuan 3-vjeçaren dhe kjo e fundit mban këmbën me dorë. E mitura është transportuar në spital pas orës 15:00, i është nënshtruar një ndërhyrje urgjente pasi thyerja ishte në gradë të rëndë dhe këmbën aktualisht e ka në allçi.
Rasti është bërë publik në media edhe pasi policia nuk ka marrë asnjë masë tjetër përveç sekuestrimit të kamerave, ndërsa mjekët nga ana tjetër nuk kanë referuar asnjë material.
Ende pritet një zbardhje e plotë e rrethanave të ngjarjes për të kuptuar se si e mitura përfundoi në atë gjendje, ndërkohë që këtë të martë në orën 16:00 do të zhvillohet një protestë para kopshtit ku, rasti i parë i dhunës nuk është vetëm ky.
