Dëbimi më i madh i diplomatëve rusë, që nga Lufta e Ftohtë, mund të duket sikur ka një përshkallëzim dramatik në përgjigjen e Uashingtonit ndaj Moskës, por themelet për një qëndrim më konfrontues të SHBA-së kishin marrë formë prej muajsh, në pamje të parë.
Ndërsa retorika pajtuese e presidentit Donald Trump ndaj Moskës ka dominuar titujt, zyrtarët në Departamentin e Shtetit të SHBA, Pentagoni dhe Shtëpia e Bardhë kanë marrë një seri vendimesh të profilit të ulët gjatë vitit të kaluar për të kundërshtuar Rusinë anembanë botës – nga Afganistani në Korenë e Veriut dhe Siri.
Departamenti i Shtetit më herët, në mars njoftoi planet për të siguruar raketa anti-tank në Ukrainë për tu mbrojtur kundër separatistëve të mbështetur nga Rusia, në Ukrainën lindore. Paraardhësi i Trump si president, Barak Obama, nuk pranoi ta bënte këtë mbi frikën e provokimit të Moskës.
Në Siri muajin e kaluar, ushtria amerikane vrau ose plagosi rreth 300 burra që punonin për një firmë private ushtarake të lidhur me Kremlin pasi ata sulmuan SHBA dhe forcat e mbështetura nga aleatët. Ndërkohë, Shtëpia e Bardhë e lidhi fort Rusinë me sulmin vdekjeprurës mbi civilët në rajonin lindor Ghouta, të Sirisë.
Si Shtëpia e Bardhë dhe Pentagoni në janar thanë se Rusia është një problem për sigurinë kombëtare të SHBA.
Kjo ishte e gjitha përpara se Shtetet e Bashkuara të hënën të merrnin vendimin të dëbonin 60 diplomatë rusë, duke u bashkuar me qeveritë në të gjithë Evropën për të ndëshkuar Kremlinin për një sulm të agjentëve nervorë ndaj ish-spiuntit rus në Britani.
Por analistët thonë se pavarësisht masave drastike, mesazhet e paqëndrueshme mund të dëmtojnë strategjinë e Uashingtonit për të penguar sjelljen agresive të Moskës.
“SHBA është nënvleftësuar nga mungesa e seriozitetit të Trump për Rusinë “, tha Andrew Weiss, një ekspert i Rusisë në Carnegie Endowment for Peace International.
Vetëm të martën e kaluar, Trump përgëzoi Putinin për rizgjedhjen e tij, duke tërhequr kritika të ashpra nga republikanët e tjerë.
