Sot është dita e 10-të që minatorët e Trepçës janë në grevë urie edhe pse tashmë minatorët grevistë janë përçarë. Disa prej tyre kanë filluar të punojnë. Ndërsa një pjesë e konsiderueshme e tyre kanë kërkuar edhe trajtim mjekësor për shkak të përkeqësimit të gjendjes shëndetësore.
Mëngjesin e djeshëm u njoftua se minatorët në Artanë dhe Kashnicë, kanë filluar punën. Një nismë të tillë, menaxhmeti e ka cilësuar si vendim të duhur dhe shumë të drejtë.
Ndërkohë Lëvizja Vetëvendosje u pozicionua kundër grevës së minatorëve të Trepçës. Madje, përmes një videoje në faqen e tyre në Facebook, VV-ja bëri një ndërlidhje në mes minatorëve dhe “nëntokës së politikës së vjetër”.
Në anën tjetër, kryetari i Sindikatës së punëtorëve të Trepçës, Ibrahim Jonuzi, është suspenduar nga menaxhmenti i Trepçës, një vendim që u kritikua ashpër. (të cilin do e kemi edhe sot)
Po ashtu, dy ditë më parë, menaxhmenti i Trepçës e kishte bërë një postim me përmbajtje skandalozë. Në shkrimin e tyre, grevistët cilësoheshin si sabotues.
