Debutim me 90 minuta ishte ai për Medon Berishën në ekipin e Lecces, pavarësisht se skuadra nuk ia doli që të kualifikohej në Kupën e Italisë përballë Parmës së Serisë B.
Kapiteni i Shpresave ishte krah Ylber Ramadanit nga minuta e parë në mesfushë dhe pasi miqtë kaluan dy herë në avantazh, skuadra e shqiptarëve vendosi baraspeshën në të 76-n dhe krijoi raste për të kaluar në avantazh.
Ndërkohë në minutat shtesë, u ndëshkua dy herë me një autogol dhe një penallti, të shkaktuar nga Ramadani.
Ndërkohë Berisha bindi në mesfushë, edhe pse në të 87-n u ndëshkua me karton të verdhë, ndërsa ekipi i Lecces e mbylli aventurën në Kupën e Italisë duke u eliminuar nga Parma me rezultatin 2-4.
Në përfundim të ndeshjes trajneri i Lecces, D’Aversa u shpreh se lojtari më i mirë në fushë ishte Medon Berisha: “Duke parë rezultatin mund të them se ishte humbje paksa e rëndë. Nuk mund të pësojmë katër gola. Sa i përket Berishës, ai tregoi se nuk është një lojtar që po luan me të rinjtë. Kam pasur gjithashtu përgjigje të rëndësishme nga lojtarët e tjerë. Nëse më duhet të analizoj më të mirët në fushë, Berisha ishte ndoshta më i miri”, u shpreh trajneri i Leçes.
