Lufta Izrael-Palestinë, vijon të jetë kryefjala e mediave të huaja, teksa pamje tronditëse publikohen cdo ditë në rrjet.
Së fundmi një video e Al Jazeera-s që tregon të mbijetuarit e bombardimeve duke kërkuar të afërmit në rrënojat në Gaza ka shkaktuar reagime të shumta. Videoja tronditëse e mediave arabe është realizuar në Yarmouk të Gazës. Njerëzit me çfarëdo mjeti që kanë edhe me duart e tyre po gërmojnë në rrënoja për të gjetur të mbijetuarit, shkruajnë mediat e huaja.
Në të njëjtën kohë, ata përdorin edhe elektrik dore pas errësirës për të gjetur jetën e njerëzve nën rrënoja. Madje, siç shihet edhe në video, ata arrijnë të nxjerrin të gjallë një djalë të vogël të cilin ia dorëzojnë shpëtimtarëve që të dërgohet në spital.
God this footage from Al Jazeera as people search through the rubble for survivors in Gaza City’s Yarmouk neighbourhood. Truly apocalyptic. pic.twitter.com/JI3LllaYHQ
— Barry Malone (@malonebarry) October 28, 2023
Numri i të vdekurve në Gaza ka arritur në 7650 dhe 19450 janë plagosur që nga fillimi i bombardimeve izraelite në Rripin e Gazës tre javë më parë, sipas të përditshmes. Raporti i publikuar nga Ministria e Shëndetësisë palestineze. Në Bregun Perëndimor, numri i të vdekurve arriti në 111, ndërsa 1,950 u plagosën, shtoi deklarata, duke theksuar se gratë, fëmijët dhe të moshuarit përbënin 70% të totalit të vdekjeve në Gaza dhe Bregun Perëndimor.
