Futbollisti aktual i Atletiko Madrid, Antoine Griezmann do të përfitojë një pagë të ulët me bonus të lartë te Barcelona për të siguruar kalimin e tij në “Camp Nou” këtë verë.
Kështu raportojnë disa media spanjolle. Sulmuesi i Atletico Madrid është i shumëkërkuar, sidoqoftë pagesa 225 mijë euro në javë është një pengesë për palët e interesuara.
Vetë Griezmann pranon se është shumë i interesuar për një kalim te Barcelona, pasi është gati që të pranojë këtë pagesë nga katalanasit, duke mos iu shtuar atyre më shumë fatura.
Referuar gazetës spanjolle “Sport”, Griezmann do të mund të pranojë këtë pagesë dhe bonuse për golat e shënuar, duke kompensuar çdo kursim nga pagesa e tij.
“Sport” gjithashtu raporton se Barcelona, ndërkohë që është duke zvogëluar pagesën e Griezmann, është e vendosur që të paguajë transfertën e shtrenjtë që do të bëhet nga Atletico.
Një pagesë që është vlerësuar minimalisht 100 milion euro nga Barcelona për të bërë të vetin sulmuesin e Francës.
Barcelona është ende në vijim të kërkimit të një lojtari goli pas shitjes së Neymar te PSG verën e shkuar, në mënyrë që të shtojë konkurrencën mes Lionel Messi-t dhe Luis Suarez.
Ata kanë shpenzuar shumë para për Ousmane Dembele dhe Philippe Coutinho, por i kanë vendosur këta lojtarë në krahët e mesfushës për të sulmuar.
Griezmann, i cili ka shënuar 17 gola këtë sezon në La Liga, do t’i përshtatej në mënyrën më të mirë faturës së Ernesto Valverde-s.
