Tirana u mposht 2-3 në “Selman Stërmasi”, nga Egnatia duke regjistruar humbjen e katërt në pesë ndeshjet e fundit dhe të dytën radhazi pas disfatës në derbi.
Bardheblutë po kalojnë një periudhë krize, teksa në vend që të punojnë fort për të zgjidhur momentin jo, kapen me tifozët e shumtë bardheblu.
Pas humbjes në derbi, shumë prej tifozëve shpresonin se sot do të vinte reagimi ndaj kryesuesve. Gjë që ndodhi vetëm në pjesën e parë, të cilën Tirana e mbylli në avantazh 1-2. Gjithsesi, Egnatia reagoi shfrytëzoi gjendjen fizike të dobët të kundërshtarëve dhe përmbysi rezultatin.
Tifozët po vuajnë duke parë skuadrën që përveç problemeve fizike, lufton fare pak në fushë, duke u mposhtur në shumicën e dueleve ndaj kundërshtarëve. Pas këtyre rezultateve drejtuesit e klubit kanë zgjedhur t’u mbyllin gojën tifozëve, duke u hequr mundësinë e fjalës në faqen zyrtare.
Një veprim i ardhur ndoshta në gjaknxehtësi e sipër prej humbjes së radhës, teksa në postimin e fundit në faqen zyrtare të Tiranës u vendos të lejoheshin komentet e tifozëve, të cilët kanë shpërthyer në lumë kritikash.
Leje që u zbatua vetëm pak minuta, pasi sërish u zgjodh bllokimi i komenteve të tifozëve.
