Mungesa e karburantit në Rripin e Gazës po sjell pasoja shkatërruese, sipas Organizatës Botërore të Shëndetësisë (OBSH).
Sasia e vogël e mbetur duhet të ndahet midis impianteve të shkripëzimit për të siguruar ujë, furrave të bukës për të pjekur bukë dhe spitaleve për t’u kujdesur për një numër në rritje pacientësh.
“Nëse furnizimet nuk lejohen shumë shpejt, do të ketë një tragjedi në Gaza, kjo është frika jonë”, tha sot në Gjenevë shefi i OBSH-së, Tedros Adhanom Ghebreyesus.
Ai i bëri thirrje Izraelit që të lejojë dërgesat e karburantit.
Izraeli ka autorizuar dërgesat e ujit të pijshëm, ushqimit dhe ilaçeve vetëm pas pothuajse dy javësh të bllokadës totale të Gazës.
Dhjetra kamionë janë parkuar jashtë pikës kufitare Rafah, por Egjipti deri më tani e ka mbajtur atë të mbyllur.
“Situata e bllokimit të dërgesave të karburantit është jashtëzakonisht e rëndë”, tha Rik Peeperkorn, përfaqësuesi i OBSH-së në territoret e pushtuara nga Izraeli.
