Ardi Veliu nuk do të jetë më drejtues i Agjencisë së Mbikëqyrjes Policore.
Burime bëjnë ne dije se Veliu nuk do të mbajë më këtë detyrë, ndërsa është e paqartë ende nëse ai ka dhënë dorëheqjen apo është shkarkuar nga detyra nga ministri i Brendshëm Taulant Balla.
Deri tani nuk dihen ende arsyet që kanë çuar në këtë vendim, ndërsa konfirmimi i largimit pritet orët në vijim.
Ardi Veliu e ka mbajtur këtë post për gati një vit. Më herët ai ka qenë zv.ministër i Infrastrukturës ndërsa ka mbajtur edhe postin e Drejtorit të Përgjithshëm të Policisë së Shtetit.
Në postim e kryepolicit, Ardi Veliu ka shumë dritëhije, ndërsa policia e drejtuar prej tij është përfshirë në ngjarje që kanë shkaktuar revoltë, si vrasja e Klodian Rashës apo përdorimi masiv i gazit helmues në protesta të ndryshme. Një tjetër episod i zi ishte gjatë një raportimi për një komision parlamentar, teksa u përpoq të denigrojë nënën e një adoleshenti që ishte dhunuar nga policia në zonën e liqenit, ndërsa vendi ishte në karantinë për shkak të COVID. Ndaj tij janë ngritur akuza të rënda nga opozita si në kohën kur drejtonte policinë ashtu edhe nën drejtimin e Agjencisë së Mbikëqyrjes Policore.
