Kombëtarja shqiptare zhvilloi pasditen e sotme ndeshjen miqësoren kundër Bullgarisë në stadiumin “Air Albania”.
Shqipëria triumfoi 2-0, falë golave të të realizuar nga Qazim Laçi dhe Ernest Muçi.
Edhe pse vërtetë nuk kishte interesimin e sfidës së fundit të luajtur kundër Çekisë, stadiumi ishte i mbushur më shumë se gjysma e kapacitetit.
Gjatë ndeshjes, tifozat kuqezi kanë shpalosur një banderolë pikante brenda në stadium, ku shkruhet: “Kur je mirë të dojn tan…!” dhe “Kundër futbollit modern”.
Një mesazh i tillë të bën të kuptosh se lojtari i 12-të i Kombëtares tonë nuk ka qenë me skuadrën vetëm në këto ditë të mira, kur jemi kaq afër EURO 2024, por ka qenë bashkëudhëtare me ekipin edhe në periudha të vështira.
