Kryeministri grek Kyriakos Mitsotakis do jetë i pranishëm ditën e sotme në Samitin e Procesit të Berlinit në Tiranë.
Greqia e mbështet perspektiven europiane të Ballkanit Perëndimor, por vendet kandidate duhet të respektojnë parimet dhe vlerat bazë europiane. Kjo është ajo çfarë, sipas mediave greke, Mitsotiakis do të përcjellë në Samit, duke nënvizuar se nuk ka përjashtime nga rregullat e shtetit ligjor dhe kjo ka të bëjë me të gjitha vendet kandidate për anëtarësim.
Protothema shkruan se kryeministri pritet të ketë në agjendën e tij të diskutimeve çështjen e kryebashkiakut Fredi Beleri, i cili ndodhet në burg prej 12 majit, për blerje votash. Mitsotakis do të kërkojë që Beleri të lejohet të bëjë betimin si kryebashkiak.
“Kryeministri e kishte bërë të qartë se rasti i Fredi Belerit do të ketë pasoja në marrëdhëniet greko-shqiptare dhe do të ndikojë në vendimet e Greqisë për procesin e anëtarësimit të Shqipërisë”, thanë të njëjtat burime për Protothema.
