Disa shtëpi që banohen nga hebrenj në Gjermani janë shenjuar me Yllin e Davidit, një gjest që duket se vjen në vazhdën e rritjes së anti-semitizmit pas shpërthimit të konfliktit Izrael-Palestinë.
Një anëtare e komunitetit të hebrenjve në Berlin, Anna Staroselski ka shpërndarë në rrjetet sociale fotografitë teksa thotë se nuk është ndjerë kurrë më parë kaq e trembur të ecë në rrugët e qytetit.
Shënjimi i shtëpive të hebrenjve ringjall te ta një memorie të hidhur, ndërsa edhe gjatë holokaustit, banesat e hebrenjve në gjermani shënoheshin me bojë të kuqe.
Në shumë qytete evropiane, përfshirë Londrën, Berlinin, Parisin por edhe në SHBA, Kanada e Australi janë mbajtur protesta masive në mbështetje të palestinezëve.
Berichte aus der jüdischen Community in Berlin. Gestern wurden private Wohnhäuser, in denen Jüdinnen/ Juden leben, mit Davidsternen markiert. pic.twitter.com/ZeL4Uw93sC
— Anna Staroselski (@AStaroselski) October 14, 2023
