Një revist serbe “Turistiçki Svet” vlerëson vendin tonë për zhvillimin, investimet në infrastrukturë, bashkëpunimin e hapur me botën dhe veçanërisht në sektorin e turizmit.
Këtë e ka bërë të ditur ministri i i turizmit dhe mjedisit Blendi Klosi, i cili publikon intervistën e dhënë për revistën në fjalë, nga ku shihen dhe imazhe të Shqipërisë.
“Revista më e madhe serbe e turizmit, “Turistiçki Svet”, vlerëson vendin tonë për zhvillimin, investimet në infrastrukturë, bashkëpunimin e hapur me botën dhe veçanërisht në sektorin e turizmit, duke promovuar anët më të mira të vendit të shqiponjave dhe popullit mikpritës, por edhe duke e shndërruar trashëgiminë e të kaluarës në atraksion turistik”,- shprehet Klosi.
