SHqipëria ka zhvilluar një pjesë të parë fantastike në sfidën e mbrëmjes së kësaj të enjteje ndaj Çekisë, me tabelën e rezultatit, që tregon avantazhin, 1 me 0, të “shqiponjave” tona.
Fillimisht ishte “perla” e Jasir Asanit, “perlë” e cila tundi rrjetën e portierit Pavlenka, në minutën e 9′ të sfidës, duke filluar festën e 22 mijë tifozëve të pranishëm, në mitikun “Air Albania”.
Goli u pasua dhe nga raste të tjera të “kuqezinjve”, por më kot, goli i dytë nuk arriti të sigurohej.
Në krahun tjetër, çekët filluan menjëherë ofensivat sulmuese dhe në minutën e 40′ gjejnë golin e barazimit, por me ndihmën e arbitrave anësor, kryesori holandez, Danny Makkelie, fillimisht anullon golin pas shtyrjes së topit me dorë në rrjetën e Berishës e më pas nxjerr kartonin e kuq për “bomberin” Mojmir Chytil, me këtë të fundit që lë skuadrën e tij me 10 lojtarë në fushën e blertë, pas ndëshkimit me 2 kartonë të verdhë në fushën e blertë.
Tashmë e vetmja gjë çka na mbetet është të ruajmë rezultatin në pjesën e dytë të sfidës, për të qenë kështu me “një këmbë” në fazën e grupeve të Kampionatit Evropian të futbollit, Euro 2024
