Te Roma janë gati të shkarkojnë Jose Mourinho nëse humbet ndeshjen e së dielës në fushën e Cagliari. Sipas “Corriere dello Sport” rezultatet e këtij sezoni nuk janë në favor të trajnerit portugez dhe se një vendim mund të kishte ardhur që pas disfatës 4 – 1 me Genoa, por presidenti Dan Friedkin ishte bindur nga drejtori sportiv Tiago Pinto që të kthente vendimin.
Në artikullin e shkuar nga drejtori i gazetës Ivan Zazzaroni del edhe emri i zëvendësuesit të mundshëm, ish-trajnerit të Bayern Munchen dhe Gjermanisë, Hans Flick.
Por sipas agjencisë së lajmeve Ansa klubi e ka mohuar lajmin e të përditshmes sportive italiane, duke shtuar se nuk ka asnjë kontakt me Flick. Roma ka marrë 8 pikë në 7 javë në Serie A shumë pak për një ekip me objektiv që të jetë mes më të mirëve.
Jose Mourinho vitin e kaluar e udhëhoqi ekipin në triumfin në Conference League, duke fituar me rezultatin 1 – 0 finalen ndaj Feyenoord në Tiranë.
