Real Madrid u argëtua përballë Osasunës, fitoi 4-0 dhe u rikthye në krye të La Ligas. Duke iu përgjigjur me të njëjtën mënyrë surprizës Girona, që triumfoi 0-1 në fushën e Cadizit.
Jude Bellingham vijon të shënojë për skuadrën e Carlo Ancelottit. Mesfushori anglez, është përshtatur për mrekulli me Realin.
20-vjeçari zhbllokoi takimin në minutën e nëntë pas asist të Carvajal. Belligham shënoi sërish në të njëjtën minutë të pjesës së dytë.
Duke kthyer në gol pasimin e bukur të uruguaianit Valverde. 8 gola në La Liga për anglezin, i cili kryeson përkohësisht renditjen e golashënuesve në La Liga.
Më pas Vinicius Junior “show”. Braziliani dërgoi rezultatin në 3-0 (65’), teksa pesë minuta më vonë i dhuroi një pasim goli kolegut Joselu.
Kjo ishte fitorja e katërt radhazi për Realin e Madridit mes kampionatit dhe Champions League.
