Bayern Munich ka marrë vendimin përfundimtar për Zherom Boateng, Dhe për faitn e keq të ish-mbrojtësit të bavarezëve, nuk do të ketë kthim mbrapa për të.
Prej rreth një jave, ish-futbollisti i kombëtares gjermane po stërvitej me klubin bavarez, pasi kishte mbetur pa skuadër dhe ishte i lirë t’i bashkohej çdo klubi tjetër. Duke marrë parasysh krizën në prapavijë me dëmtimet e njëpasnjëshme, në klubin e njohur u mendua seriozisht kthim i tij dhe Boateng, doli në stërvitje dhe sot me ekipin.
Por në drekë, klubi i Bajernit doli me një komunikatë zyrtare, ku bëri të qartë se i ishte komunikuar futbollistit se nuk do t’i ofrohej një kontratë për t’u kthyer pas.
Trajneri Tuhel tregoi në konferencë për shtyp se kjo nuk kishte qenë “vetëm çështje sportive”. Sipas mediave gjermane, ai i referohej situatës së Zherom Boateng, i cili është në gjyq me ish-partneren e tij, me të cilën ka dy vajza binjake dhe që e akuzon për sulm dhe fyerje ndaj saj.
