Sipas një studimi të kohëve të fundit vërtetohet se lindja normale është pozitive jo vetëm për nënën e re, por edhe për foshnjën e porsalindur.
Pasi lindja natyrale stimulon një proteinë tepër të rëndësishme për të zhvilluar trurin e foshnjës, gjë që nuk mund të ndodhë gjatë një lindje cezariane.
Studimi i drejtuar nga një skuadër shkencëtarësh të një universiteti amerikan, evidenton sesi një proteinë e trurit e quajtur “Ucp2”, është tepër e rëndësishme për zhvillimin e neuroneve dhe për funksionet e trurit. Por jo vetëm, sepse “Ucp2” luan një rol thelbësor edhe në metabolizmin e yndyrës, i cili ndikon drejtpërsëdrejti tek niveli i qumështit të nënës së re.
