Një i ri në Pogradec ka humbur jetën pas rënies nga ballkoni i katit të dytë të banesës ku jetonte. Sipas policisë, dyshohet se 29-vjeçari me iniciale M.M. është vetëhedhur. Referuar të njëjtave burime, i riu vuante nga probleme të shëndetit mendor.
“Mbrëmjen e sotme, në fshatin Trebinjë, Pogradec, dyshohet se është vetëhedhur nga ballkoni i katit të dytë të banesës së tij, shtetasi M.M., rreth 29 vjeç, i cili për pasojë ka ndërruar jetë gjatë transportimit për në spitalin e Pogradecit. Nga të dhënat paraprake dyshohet se ky shtetas vuante nga probleme të shëndetit mendor. Grupi hetimor po punon për sqarimin e rrethanave të ngjarjes”, njofton policia.
