Deputeti demokrat Tritan Shehu ka reaguar pas publikimit të draft-rezolutës së paraqitur nga deputetët socialistë lidhur me ngjarjet e javës së kaluar në Kosovë.
Shehu shkruan se deptuetët e PS-së kanë “rrëzuar” kryeministrin Rama, pasi në draft nuk kanë përmendur në asnjë moment dy propozimet e tij për mbajtjen e një konference të jashtëzakonshme paqeje dhe as marrjen e veriut të Kosovës nën kontroll të plotë nga KFOR.
Më tej ai shton se “kaq negative e të rrezikeshme janë ato dy propozime të Ramës për Kosovën, shqiptarët e Rajonin, sa dhe grupi i tij nuk ka “guximin” as t’i përmendë!”.
Statusi i Shehut:
Edhe Grupi i PS “rrezon” Ramen?!
Hap ky drejt nje “mocioni mosbesimi” ndaj tij?!
Projekt rezoluta per Kosoven e paraqitur nga ai grup distancohet nga dy obsionet kryesore politike te paraqitur nga Rama.
Pra nuk ka ne ate asnje fjale, qofte dhe si permendje per dy nga propozimet kryesore te tij:
1- Organizimi i nje konferene te jashtezakoneshme paqeje.
2- Kalimi i Veriut te Kosoven nen kontrollin e plote te KFOR.
Ne realitet keshtu ky grup distancohet nga Kryetari i tyre, per dy ceshtje thelbesore te kerkuara nga ai!
Kaq negative e te rrezikeshme jane ato dy propozime te Rames per Kosoven, shqiptaret e Rajonin, sa dhe grupi i tij nuk ka “guximin” as t’i permende!
Te shpresojme se ky eshte fillimi i “zgjimit” te kolegeve socialite, e marja prej tyre e pergjegjesive te domosdoshme!
