“Arrest me burg”. Gjykata e Apelit të Durrësit ka vendosur të lërë në fuqi vendimin e shkallës së parë, ndaj stomatologes Olesia Duka, e arrestuar për akuzën e ‘mashtrimit’.
Duka përmes avokatit të saj, a ka ankimuar vendimin e gjykatës së shkallës se parë në Durrës.
Avokatët mbrojtës, Arben Llangozi dhe Brikena Duka kanë thënë se gjykata ka dhënë masë të rëndë ndaj klientes së tyre. Kjo nisur nga fakti se ajo nuk ka konflikt penal.
“Gjykata i ka dhënë masën më të rëndë. Nga konstatimi qe ne kemi vetëm denoncimin e shtetasit Idlir Hoxha. Konflikti është civil dhe jo penal. Olesia Duka nuk ka rrezik largimi, nuk ka arsye dyshimi që të largohet, ajo është mjeke stomatologe me dy fakultete.
Nuk ka kushte të veçanta dhe kërkojmë ndryshim mase e vendosjen e një mase më të bute. Prokurori nuk ka bërë asnjë verifikim konkret. Prokurori duhet të bënte verifikim të shumave me bilancet e shoqërive tregtare.
Vëmë në dispozicion bilancet e shoqërive në origjinal dhe nuk kanë ekzistuar kurrë ato vlera monetare. Klientja ka marrëdhënie kontraktuale me shoqëri tregtare. I kërkojmë gjykatës ndryshim mase. Kërkojmë ‘arrest shtepie’ dhe në mbikëqyrje”, – kanë thanë avokatët.
