I besuari i përkëdhelur i Belinda Ballukut, ka hartuar planin financiar dhe kontratën, për dy anijet TEC-e në Vlorë që janë marrë me qira 90 mijë Euro në ditë nga Bangladeshi e nuk prodhojnë energji; si dhe drejton grupin e tenderimit në KESH, që harton planet e shit-blerjes së energjisë në bursën ndërkombëtare…
Nga mediat e pushtetit, u tha se Drejtori i OSHEE, Ardian Çela, nuk u shkarkua nga Belinda Balluku, si hakmarrje e saj kundër “Klanit të Durrësit” në PS e qeveri, por atij i mbaroi mandati.
Mirëpo drejtorët nuk kanë mandat, dhe emërohen e shkarkohen sa herë të dojë ministri i linjës, siç Belinda me bekimin e Bablokut shkarkoi Ardian Çelën e OSHEE, për të marrë në dorë krejt sektorin e energjisë: prodhim, monitorim, shpërndarje, shitje e import-eksport.
Tashmë, Belinda e ka arritur këtë synim, me Ergys Verdhon në KESH, Skerdi Drenovën në OST, Petrit Ahmetin në ERE, Sokol Dishnicën te Bursa e Energjisë dhe me Enea Karakaçin në OSHEE, të cilët janë pjesë e klanit të saj.
Në OSHEE, drejtorin Enea Karakaçi e quajnë “kanakari” i Belindës, që si mbiemër ka kuptimin e më të preferuarit, të përkëdhelurit, të afërtit e më të shpërblyerit prej saj, për shërbimet e kryera.
Një nga shërbimet e Enea Karakaçit për Belindën, ishte gjatë detyrës Anëtar i Këshillit Mbikëqyrës të OSHEE, kur e informonte për çdo qokë, abuzim, vjedhje e pazar të Ardian Çelës.
Aq i besuar, i bindur e kanakar i Belindës është drejtori i ri OSHEE, Enea Karakaçi, sa me urdhër të saj e në shkelje të plotë të ligjit për detyrën që ka marrë, ai po vazhdon të mbajë dhe postet e tjera që i ka dhënë ministresha e plotfuqishme.
Drejtori i OSHEE, Enea Karkaçi, vazhdon të mbajë postin e Anëtarit të Këshillit Mbikëqyrës të OSHEE, megjithëse është drejtor ekzekutiv, që do të thotë se vetë propozon, vetë miraton dhe vetë i zbaton e kontrollon shpenzimet, emërimet, shërbimet, investimet, tenderët.
Vazhdon të jetë Drejtor i Përgjithshëm i Politikave dhe Zhvillimit të Industrisë e Energjisë në Ministrinë e Energji-Infrastrukturës, pra ka në varësi dhe OSHEE-n ku është drejtor.
Vazhdon të jetë Anëtar i Këshillit Mbikëqyrës te Drejtoria e Transport- Patentave e Blendi Gonxhes, që varet nga ministresha Belinda Balluku.
Vazhdon të jetë këshilltar përfaqësues me të drejtë vendimmarrje, i Belinda Ballukut te OST, KESH, ERE dhe te Bursa e Energjisë.
Sa për kujtesë, Enea Karakaçi, si i besuar i Belinda Ballukut, ka hartuar planin financiar dhe kontratën për dy anijet nga Bangladeshi që janë marrë me qira 90 mijë Euro në ditë e nuk prodhojnë energji; si dhe drejton grupin e tenderimit në KESH, që harton planet e shit-blerjes së energjisë në bursën ndërkombëtare./Pamfleti
