Prokuroria e Tiranës ka kërkuar të hënën 1 vit burg për ish-Kreun e Inspektoratit Ndërtimor Urbanistik Kombëtarë, Zyhdi Dajti.
Gjatë leximit të pretencës, prokuroria kërkoi që ish-Kreu i INUK të shpallet fajtor për veprën penale të “Shpërdorimit të detyrës”.
Arrestimi i Zyhdi Dajtit u bë më 20 Qershor të vitit 2014. Dajti u vetë dorëzua në Policinë e Vlorës, pasi u njoftua se Gjykata e Tiranës kishte vulosur urdhër arrestin ndaj tij.
Akuza e ndaj Dajtit, lidhet me prishjen e një objekti dy katësh në Kavajë, në arsyetimin e hapjes së një rruge. Vlera e demit të krijuar është 698 mijë euro.
Prokurori i çështjes ka lexuar pretencen, ndërsa pritet dhe vendimi, i cili pritet të jepet më 18 prill, pas mbrojtjes nga avokati i zgjedhur nga Dajti.
