Ka marrë përmasa të mëdha, zjarri në pyllin e Pishporos dhe Derëzezës, ku flakët kanë përfshirë sipërfaqe të konsiderueshme toke.
Edhe pse forcat zjarrfikëse ndodhen në vendngjarje, terreni i vështirë dhe era e fortë e ka bërë të pamundur shuarjen e të gjitha vatrave të zjarrit.
Kjo zonë po digjet prej 6 ditësh, ndërsa helikopteri i Forcave të Armatosura është në remont dhe po pritet ndërhyrja e BE.
Ndërkohë raportohet se janë djegur qindra ha me pyje, ndërsa shtëllunga të mëdha tymi kanë pushtuar zonën.
