Fifi interpretoi “Marshin e UÇK-së” sonte në emisionin “Më lër të flas”,dedikuar Policisë së Kosovës, e veçanërisht efektivit të rënë në krye të detyrës, Afrim Bunjaku, i cili u vra nga terroristët serbë.
Teksa recitoi vargjet e “Marshit të UÇK-së”, Fifi nuk i ka mbajtur dot lotët në një moment kaq emocionues.
“Dua të përshëndes Policinë e Kosovës dhe të ngushëlloj familjen e policit të rënë, Afrim Bunjakut. Mes rreshtash, dua të kuptohet sa patriot jemi dhe sa shumë e duam tokë shqipe”, tha artistja.
“Nuk dua shumë të flas shumë, është muhabet shumë serioz. E kam përjetuar shumë rëndë situatën në Kosovë. Kam familjarët në Mitrovicë. Është shumë e rëndë të ndodhë diçka dhe të rikthehet si në ‘99”, tha Fifi, ndërsa Donald e Romeo Veshaj shprehën ngushëllime për familjen e të ndjerit Afrim Bunjaku.
