Genoa i ka dhënë një goditje të rëndë Romës teksa e ka mundur me rezultatin e thellë 4-1. Mourinho njihet si një trajner i kujdesshëm që luan edhe me detajin më të vogël, por kjo gjë duket se nuk është duke ndodhur me Romën, pasi skuadra po i rrëshket nga duart.
Vendasit kaluan të parët në avantazh me anë të Gudmundsson, ndërsa Cristante barazoi rezultatin duke krijuar idenë e një përmbysje të lehtë, të paktën pas asaj fitoreje 7-0 ndaj Empolit dy javë më parë. Megjithatë, Genoa arriti të realizojë 3 herë të tjera, duke e vulosur rezultatin në 4-1.
Në 6 javët e para, Roma e Mourinhos ka arritur të grumbullojë vetëm 5 pikë dhe mban vendin e 16 në renditje.
