Agjentët e Byrosë Kombëtare të Hetimit raportohet se kanë zbarkuar në Agjencinë Kombëtare të Mjedisit, pas hetimeve për një rast korrupsioni. Kështu shkruan gazetarja Klodiana Lala në një postim në rrjetet sociale, duke shtuar se janë sekuestruar celularët e drejtorit dhe shefes së sektorit.
Agjencia Kombëtare e Mjedisit drejtohet nga Arta Dollani dhe është në varësi të Ministrisë së Turizmit, e cila drejtohet nga Mirela Kumbaro.
“Pas Ministrise se Infrastruktures, hetuesit e BKH ndaluan kete here ne Agjencine Kombetare te Mjedisit. Sic kane vepruar kohet e fundit sekuestruan dy celulare. Njeri telefon iu sekuestrua drejtorit N.P, ndersa tjetri shefes se Sektorit V.Gj. Agjencia Kombetare e Mjedisit drejtohet nga Arta Dollani dhe eshte institucion ne varesi te Ministrise se Turizmit dhe Mjedisit. Mirela Kumbaro Furxhi te shohe ndonjehere cbehet aty neper institucione se keshtu si ka shkuar puna, SPAK do te detyrohet te hape dyqane per shitjen e celulareve. Burime nga BKH me konfirmuan se behet fjale per nje ceshtje korrupsioni”, shkruan gazetarja Klodiana Lala.
