Kur kanë mbetur dhe 17 ditë nga ndeshja vendimtare me Republikën Çeke, kombëtarja shqiptare e futbollit është në alarm.
Trajneri Silvinjo është me dhimbje koke pasi ka nisur të bëj llogaritë pa dy lojtarë të rëndësishëm.
Sokol Cikalleshi është dëmtuar në ndeshjen e fundit përballë Ankaraguçu dhe ka lënë fushën në minutën e 66.
Në deklaratën për shtyp nga klubi i Koniasporit, theksohet se pas ekzaminimeve që i janë bërë sulmuesit nga Kavaja, u konstatua një dëmtim i shkallës së dytë, në kofshën e djathtë.
Siç mësohet, rikuperimi i tij kërkon të paktën 2 apo3 javë. Ende nuk dihet nëse sulmuesi do të jetë pjesë e kuqezinjve në duelin e rëndësishëm që Shqipëria ka ndaj Republikës Ceke më 12 tetor.
Edhe mbrojtësi kuqezi, Ardian Ismajli u dëmtua në ndeshjen ndaj Interit dhe u detyrua të largohet nga fusha para kohe. Lojtari doli nga loja në minutën e 51-të dhe nuk dihet ende gjendja e tij fizike. Ismajli pritet t’u nënshtrohet vizitave mjekësore për të mësuar edhe shkallën e dëmtimit.
Probleme ka dhe për Myrto Uzunin, i cili dhe pse u aktivizua si titullar në duelin ndaj Las Palmas, ishte e dëmtuar dhe rrezikoi disi.
Sipas trajnerit të Granadës, Pako Lopez, sulmuesi u aktivizua në fushë pasi në seancën e fundit stërvitore dukej në gjendje të mirë fizike edhe pse nga stafi mjekësor nuk ka marrë 100% dritën jeshile.
Kombëtarja shqiptare luan me Republikën ceke në datën 12 tetor, një ndeshje që mund të vendosi dhe kualifikimin e Shqipërisë për në EURO 2024.
