Policia italiane ka goditur dy grupe kriminale, njëri i përbërë nga marokenë dhe tjetri nga shqiptarë. Ata merreshin me shpërndarjen e drogës në territorin Umbrian.
Policia ka sekuestruar sasi të konsiderueshme marijuane, hashashi dhe kokaine.
Në pranga kanë rënë 10 persona.
Hetimet e nisura vitin e kaluar, u kryen me përgjime telefonike dhe mjedisore dhe me përdorimin e sistemeve të lokalizimit satelitor, të cilat së bashku me ndjekjen, vëzhgimin dhe ndjekjen më tradicionale çuan në zbërthimin e organizatave.
Mediat italiane shkruajnë se dy marokenë kishin kontakte me furnitorë shqiptarë nga zona e Ravenës.
Sipas policisë, ata e blinin drogën prej shqiptarëve, e cila më pas shitej përmes rrjetit të tyre në Perugia, duke përdorur si bazë logjistike një lokal në zonën Ponte San Giovanni.
