Në ambientet e jashtme të Kuvendit “Lëvizja Bashkë” po zhvillon një protestë. Anëtarët e kësaj lëvizjeje shprehen se kërkojnë që të miratohet minimumi jetik i jetesës.
Ata shprehen se nuk mundet që një pensionist që ka kontribuar dhe punuar një jetë të tërë në republikën e shqipërisë të paguhet 100 herë më pak se një anëtar i Gjykatës Kushtetuese.
“Në këto 30 vite këta njerëz janë bërë miliarderë, janë bërë me prona, madje edhe investitorë strategjikë. Po grabisin toka dhe para publike. Pafundësisht. Minimumi jetik, është urgjencë për ta nxjerrë popullin shqiptar nga varfëria”, u shprehën ata.
“Po rriten pagat e anëtarëve të Gjykatës Kushtetuese, doja tiu beja nje pyetje e dini sa është pensioni minimal në gjysmën e Shqipërisë? Është 80 mijë lekë të vjetra. E dini sa duan ta bëjnë rrogën e anëtarë të GJK, 6 milionë e 700 mijë lekët të vjetra pothuajse 100 fishi i pensionit minimal. Në kërkojmë minimumin jetik që të ulim këto difirenca të mëdhaja për shtresat shoqërore. Nuk mundet që një pensionist që ka kontribuar punuar një jetë të tërë në republikën e shqipërisë të paguhet 100 herë më pak se një anëtar i Gjyaktës Kushtetuese. Ata proporozohen të marrin 7 milionë lekë në muaj e kuptoni ku jemi.
Kërkojmë ko vetëm që të shqyrtohet minimumi jetik por edhe të miratohet. Kërkojmë që të bëhet nderi të miratohet.”- tha një nga protestuesit.
