Banorët e katër fshatrave, pjesë e njësisë administrative të Zall Herrit po protestojnë ditën e sotme kundër guroreve që punojnë në atë zonë.
Banorët akuzojnë guroret se me punimet e tyre kanë dëmtuar rrugën dhe kanë prishur cilësinë e ujit të pijshëm.
Banorët kanë paralajmëruar se në orën 4 të pasdites së sotme do të bllokojnë rrugën ku kalojnë kamionët e guroreve. Ato kanë akuzuar qeverinë se janë lënë në harresë pasi nuk është bërë asnjë investim në infrastrukturë.
“Që nga sot nuk do të lejojmë asnjë kamion. Nuk ka asnjë reagim nga institucionet. Sot ndaj e organizuam këtë protestë që të vihen në dijeni. Se ata mund të thonë se nuk jemi vënë në dijeni. Probleme kemi dhe për ujin e pijshëm. Guroret na kanë dëmtuar ujin e pijshëm. Se shi nuk ka rënë, uji nuk pihet është i turbullt. Banesat kanë rënë 300 metra, janë plasaritur”, është shprehur një prej banorëve.
