Armando Dobra ka lënë shenjë sot me golin e tij të parë të sezonit në radhët e Çesterfilld në National League në Angli.
Pikërisht rrjeta e tundur nga ish-futbollisti i Shpresave, i dha mundësinë skuadrës së tij që të marrë e vetme kryesimin e kampionatit, me ambicie të qarta për t’u ngjitur më lart.
Çestërfilld luante në transfertë ndaj Ebsflit dhe e kishte të vështirë të gjente rrugën e rrjetës në këtë ndeshje.
Por Dobra në minutën e 82 i dha fund “paqes” teksa gjeti devijimin e duhur para portës duke shënuar golin e fitores 1-0 për skuadrës e tij.
Kjo fitore ngjiti Çesterfilld në vendin e parë në renditje me 22 pikë pas 9 ndeshjesh të luajtura, duke e bërë kandidate kryesore këtë skuadër për ngjitjen në League Two në edicionin e ardhshëm.
