Juventus shkëlqen në Serie A ndal Lazios, duke marrë një sukses fantastik 3-1 në shtëpi, në ndeshjen e javës së katërt të kampionatit. Kështu, ekipi i Allegrit triumfon për herë të dytë radhazi dhe për momentin kryeson tabelën me 10 pikë, në pritje të zhvillimit të takimeve të tjera të javës.
“Zonja e Vjetër” vendosi ndeshjen në shinat e duhura që në pjesën e parë, duke shënuar dy herë, falë golave të Vlahovic dhe Chiesa. Lacialët nuk u dorëzuan dhe në minutën e 64-të ngushtuan shifrat me Luis Alberton, pasi kryeqytetasit “rrëmbyen” një top para zonës së kundërshtarve.
Gjithsesi, për të “vrarë” një herë e mirë shpresat e mysafirëve mendoi Vlahovic, në minutën e 67-të. Lazio renditet e 15-ta, me 3 pikë.
