Pajtim Kasami mund të rikthehet në kampionatin italian dhe këtë herë do të jetë në Serinë B.
Mesfushori që ka luajtur me skuadrën kombëtare të Zvicrës, do të provojë një aventurë të re me Sampdorian, trajneri i së cilës është Andrea Pirlo.
“Sky Sport” raporton se palët kanë gjetur akordin dhe pritet vetëm që të bëhet zyrtarizimi i tij te skuadra e re, teksa prej ditësh ai stërvitet me ekipin e Sampdorias.
Në të shkuarën, Kasami ka luajtur edhe me ekipe si Sion, Olimpiakos, Bazel, Fulham, Notingam Forest e Luzernë. Në Serinë A, ai ka qenë pjesë e Palermos, duke qenë një nga më të dalluarit.
