Disa nxënës kanë përfunduar në spital pas ngjarjes së ndodhur në gjimnazin e Krujës. Ishte fillimisht kreu i PD-së Sali Berisha që denoncoi ngjarjen duke iu referuar një mesazhi të ardhur në adresë të tij.
Në mesazh thuhej: Në gjimnazin e Krujës është hedhur një lëndë helmuese, të gjithë nxënësit janë në oborrin e shkollës, të shkruaja se duan ta mbajnë të fshehur.
Vetëm pas reagimit të Berishës në rrjetin social “FB”, policia shpërndau një njoftim për rastin.
Sipas bluve, ka qenë një nxënës që ka hedhur spraj piperi gjatë në një prej klasave të shkollës. Për pasojë, disa nxënës kanë përfunduar në spital për shkak të shqetësimeve të krijuara.
“Më datë 12.09.2023, në një gjimnaz në Krujë, një nxënës 16 vjeç ka hedhur në klasë, gjatë procesit mësimor, një sprajt me përmbajtje piperi, i cili si pasojë ka krijuar shqetësime te disa nxënës të klasës. Nxënësit po marrin ndihmën mjekësore në spitalin rajonal Krujë, ndërsa autori i dyshuar, së bashku me një 17-vjeçar, janë shoqëruar në komisariat, për veprime të mëtejshme. Grupi hetimor po punon për sqarimin e rrethanave të ngjarjes”, thuhet në njoftim.
