Kokaina 613 kilogramë, mbeten në burg punëtorët…

Gjykata e Apelit të Krimeve të Rënda lë në burg dy të arrestuarit të dyshuar se kishin dijeni për 613 kg kokainë. Pavarësisht pretendimit të palës mbrojtëse për ndryshimin e masës së sigurisë, Armando Pezakun dhe Donaldo Lushaj do të mbesin në “arrest me burg pa afat”, deri në përfundimim të hetimeve. Mbrojtja kërkonte lirimin e tyre me argumentin se nuk ka prova që implikojnë klientët e tyre në trafikun e narkotikëve. Ndonëse është sasia më e madhe e kokainës e kapur ndonjëherë në vendin tonë, në burg ndodhen vetëm shoferi i kamionit ku i gjet droga Armando Pezaku dhe menaxheri i kompanisë “Arbri Garden”, Donaldo Lushaj. Në kërkim është shpallur pronari i kompanisë Arbër Çekaj, i cili në rrethana të dyshimta u largua drejt Gjermanisë, pak orë para se të kryhej operacioni i madh. Ndërhyrja e policisë u krye në momentin që kamioni me banana, ku fshihej sasia e madhe e kokainës po shkarkohej në magazinat e “Arbri Garden”. Shumë shpejt ku aksion i bujshëm u kthye në një “tollubace të shfryrë”, pasi deri më tani në pranga janë dy 25-vjeçarë, punëtorë të kompanisë.