Takimin e sotëm mes deputetëve opozitarë, Ervin Salianji e ka konsideruar si hapin e parë të bashkimit të formacioneve opozitare.
Gjatë fjalës së tij, ai theksoi se ky është mesazh shpresëdhënës për elektoratin opozitar por dhe për shoqërinë, është një moment i fillimit te ringritjes se opozitës. Salianji shtoi më tej se fokusi i çdo deputeti duhet te jete përballja me qeverinë, propozimi i çështjeve konkrete.
Salianji: Takimi i sotëm duhet lexuar dhe pare si hapi i pare i bashkimit te formacioneve opozitare siç janë qartësisht te formalizuar formacionet proqeveritare Është mesazh shpresëdhënës për elektoratin opozitar por dhe për shoqërinë, është një moment i fillimit te ringritjes se opozitës. Çimentimi i këtij grupi parlamentar dhe nga pikëpamja procedurale vlen për te qartësuar dhe ne publik se kush është grupi parlamentar i Partisë Demokratike. Tani fokusi i çdo deputeti duhet te jete përballja me qeverinë, propozimi i çështjeve konkrete, fokusimi tek çështjet e zgjedhësve dhe tek mbikëqyrja dhe kontrolli ndaj qeverise! Nga sot e me pas duhet te funksionojmë si një grup parlamentar, me takime te përjavshme dhe koordinim të përhershëm”
