Kreu i Bashkisë së Lezhës, Fran Frrokaj ka mbërritur nën masa të rrepta sigurie në Gjykatën e këtij qyteti, ku do të njihet me rivlerësim të masës, së bashku me 11 zyrtarët e tjerë, të arrestuar për abuzime me pronat.
Para nisjes së seancës, forca policie kanë rrethuar gjykatën, në kuadër të marrjes së masave të sigurisë. Fran Frrokaj akuzohet për “shpërdorim detyre dhe tjetërsim prone përmes falsifikimit”.
Frrokaj dhe 11 zyrtarët e tjerë të Bashkisë së Lezhës, u arrestuan të premten, ndërsa 11 persona të tjerë janë ende në kërkim. Ata akuzohen se në bashkëpunim me njëri-tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
Ndërkohë militantë të PD-së, mbështetës të Frrokajt ndodhet janë gjykatës, në mbështetje të kryetarit të Bashkisë.
“Fran Frrokaj, Fran Frrokaj, Fran Frrokaj”, dëgjohet të thonë mbështetës të shumtë që kanë rrethuar gjykatën.
