Policia e Vlorës ka zbardhur ngjarjen e rëndë të ndodhur një ditë më parë në Selenicë, ku humbi jetën rrugës për në spital 56-vjeçari Durmish Gllucaj.
Fillimisht u dyshua se ngjarja ishte aksidentale dhe kishte shpërthyer soba me gaz por pas hetimeve të policisë, rezultoi se pas gjithë kësaj qëndron i biri.
23-vjeçari Mato Gllucaj dyshohet se për shkak të dhunës së vazhdueshme që babai ka ushtruar ndaj tij, ka vendosur lëndë plasëse në sobën me gaz në oborrin e banesës. Autori është vënë në prangat e policisë ndërsa janë sekuestruar edhe me të cilat pajisjet me të cilat ka vendosur lëndën plasëse.
Në cilësinë e provës materiale janë sekuestruar:
– mekanizmi elektrik me të cilin është realizuar shpërthimi
– 25 granata dore difensive
– 37 kallëpe me lëndë plasëse tritol (me peshë 400 gr. secila)
– 43 kapsolla detonatore
– 5 ndezësa granatash
– 1 armë zjari pushkë
– 1 celular
– 2 thika
– 310 fishekë luftarakë
– 12 krehra për armë zjarri,
– 2 radio marrëse-dhënëse
– kapuça dhe veshje për mbulimin e fytyrës dhe mjete për punime elektrike me ngjitje
