Gjendja shëndetësore e ish-kryeministrit Fatos Nano, i cili ndodhet në spital prej 9 ditësh, nuk është përmirësuar.
Ish-kryeministri socialist vazhdon të jetë i intubuar pasi atij i është rikthyer një problem kronik respirator, që në gjuhën mjekësore njihet si SPOK, sëmundje pulmonare obstruktive kronike që ngushton dhe dëmton rrugët ajrore të mushkërive.
Burime nga spitali bëjnë me dije se mjekët i kanë bërë një ndërhyrje kirurgjikale duke i vendosur një tub plastik, që po e ndihmon në furnizimin me oksigjen.
SPOK është një sëmundje (patologji) që prek mushkëritë dhe zakonisht është progresive dhe shoqërohet me një përgjigje inflamatore jonormale kronike të mushkërive kundrejt grimcave të pluhurit dhe gazeve si psh: monoksidi i karbonit prezent në tymin e duhanit dhe dioksodi i karbonit që gjendet në ajrin e ndotur të ambientit që na rrethon.
