Leonardo Bonucci gjen skuadër të re në ditën e fundit të merkatos. Ish-kapiteni i Juventus kalon tek tek Union Berlin në Bundesligë, ku pritet të firmosë një kontratë njëvjeçare me opsion rinovimi edhe për një vit tjetër.
Ndryshe nga Juventus, që është jashtë çdo kompeticioni evropian në sezonin e ri, Bonucci do të luajë në Champions me ekipin gjerman. Union Berlin mposhti konkurrencën e Lazios, e interesuar po ashtu për mbrojtësin veteran italian, i cili doli jashtë projektit të Zonjës së Vjetër.
Për herë të parë në karrierën e tij 16-vjeçare Bonucci do të luajë jashtë Italisë, teksa ka ndërruar 7 ekipe në karrierë, Inter, Treviso, Pisa, Genoa, Bari, Juventus dhe Milan, ku pjesën më të madhe dhe të lavdishme e kaloi në Torino si bardhezi.
Leonardo Bonucci to Union Berlin, here we go! Verbal agreement reached, Italian CB leaves Juventus on permanent deal and joins Union ⚪️🔴🇮🇹 #UnionBerlin
Bonucci will travel to Berlin later today if all goes to plan.
Contract until June 2024, option for further season discussed. pic.twitter.com/pnL2VTlO6h
— Fabrizio Romano (@FabrizioRomano) August 31, 2023
