Vetëm tri skuadra mungojnë për të kompletuar grupet e Ligës së Kampionëve 2023-2024.
Ndeshja e dytë e “play-off”-it e 30 gushtit do të përcaktojë se kush nga Antwerp-AEK Athinë, Kopenhagë-Rakow, PSV-Glasgow Rangers do t’iu shtohen 29 skuadrave tashmë të kualifikuara për shortin e datës 31 gusht.
Vazoja e parë dhe e dytë e shortit tashmë janë të kompletuara, e treta dhe e katërta do të plotësohen në varësi të asaj se kush kualifikohet nga “play-off”.
Italianët në çdo rast tashmë kanë pozicione të siguruara (Napoli në vazon e parë, Interi në të dytën, Lazio dhe Milani në të tretën).
“Play-off” i Ligës së Kampionëve (30 gusht)
AKE Athinë-Antwerp (ndeshja e parë 0-1)
Kopenhagë-Rakow (ndeshja e parë 1-0)
Rangers Glasgow-PSV (ndeshja e parë 2-2)
Shorti i grupeve të Champions League do të hidhet të enjten, më 31 gusht, në orën 18:00. 32 skuadrat do të ndahen në katër grupe. Vazoja e parë përbëhet nga kampionët në fuqi, fituesi i “Europa League” dhe gjashtë kampionë kombëtarë.
Vazot e tjera, nga e dyta deri tek e katërta do të përcaktohen nga renditja e klubeve. Asnjë ekip nuk mund të përballet me një tjetër nga e njëjta federatë. Çdo kufizim tjetër do të njoftohen përpara shortit.
VAZOJA E PARË – Benfica, Barcelona, Bayern Munich, Feyenoord, Manchester City, Napoli, PSG, Seville
VAZOJA E DYTË – Atletico Madrid, Arsenal, Borussia Dortmund, Inter, Leipzig, Manchester United, Porto, Real Madrid
VAZOJA E TRETË – Lazio, Milan, Salzburg, Shakhtar Donetsk, Sporting Braga, Crvena Zvezda
VAZOJA E KATËRT – Galatasaray, Lens, Newcastle, Real Sociedad, Union Berlin (plus ato që vijnë nga “play off”-i).
Dy të parët e secilit grup do të kalojnë në raundin tjetër, ku nis eliminimi direkt. Ekipet e vendeve të treta nga secili grup do të kalojnë në “play-off” për fazën eliminatore të “Europa League”, ku do të përballen me skuadrat e vendit të dytë nga grupet përkatëse të “Europa League” për një vend në 1/8 finale.
DATAT E FAZËS SË GRUPEVE TË LIGËS SË KAMPIONËVE
Xhiroja e parë: 19/20 shtator 2023
Xhiroja e dytë: 3/4 tetor 2023
Xhiroja e tretë: 24/25 tetor 2023
Xhiroja e katërt: 7/8 nëntor 2023
Xhiroja e pestë: 28/29 nëntor 2023
Xhiroja e gjashtë: 12/13 dhjetor 2023
