Mali i Shpiragut vijon të digjet prej mbrëmjes së djeshme, pas flakëve që dyshohet se nisën pas një shkarkese rrufeje në zonën malore të Beratit.
Për shkak të temperaturave të larta të ditës së djeshme dhe erës së fortë zjarri është përhapur me shpejtësi drejt malit.
Dhjetëra zjarrfikës u mobilizuan menjeherë për të shuar flakët, por raportimet tregojnë se për shkak të mungesës së rrugës, atyre iu është dashur të ngjisin malin në këmbë dhe janë duke i luftuar flakët me mjete rrethanore.
Ditën e sotme kanë shkuar për ndihmë edhe zjarrfikëset e Dimalit, ndërsa pritet ndihma nga reparti ushtarak i Poshnjes dhe vendimi i Ministrisë së Mbrojtjes për një helikopter që të ndihmojë në shuarjen e flakëve nga ajri.
Sakaq, mësohet se zjarri ka shkrumbuar sipërfaqe me shkurre, pisha por edhe dru të kulturës së ullirit.
